Wychwood vöðlutaska

Vöðlutaskan feykivinsæla frá Wychwood er einfaldlega tær snilld!

Nýstárleg og algerlega frábær lausn til að flytja og geyma öndunarvöðlur, vöðluskó og í raun allan blautan fatnað (öll blotnum við einhverntíman).

Vöðlunum er komið fyrir á einfaldan máta í þessari einstöku vöðlutösku. Hún kemur með stóru forneti og Duraflex klippum fyrir vöðlurnar og útkoman er einfaldur flutningur.

Hægt er að hengja vöðlutöskuna upp til geymslu og þá þorna vöðlurnar á meðan þær eru í töskunni, þar sem notast er við Drop N’ Dry kerfi frá Wychwood.

Á töskunni miðri er mjúk neoprene motta sem hægt er að standa á þegar farið er í og úr vöðlunum og að utan eru 4 strappar til að festa 2 stangarhólka.

Einnig er á töskunni rúmgott hólf/vasi með möskvaneti þar sem hægt er að geyma vöðluskóna, blauta sem þurra. Síðan eru smærri möskvavasar fyrir vettlinga og/eða annað slíkt og allt þornar þetta þegar taskan er hengd upp.

Kíkið á myndbandið hér að neðan þar sem Hywel Morgan kynnir þessa einstöku vöðlutösku.